پەیامی پیرۆزبایی

بەڕێز دەفتەری سیاسی یەکێتیی شۆڕشگێڕانی کوردستان

سڵاوی رزگاری و سەرخۆبوون..

لەپێوەند بە بیست و یەکەمین ساڵیادی دامەزراندنی یەکێتییە تێکۆشەرەکەتان، پڕ بەدڵ پیرۆزباییتان لێدەکەین، دەخوازین هەمیشە شادو سەرفرازو سەرکەوتوو بن.

بەڕێزان! بیست و یەکەمین ساڵیادی یەکێتیی شۆڕشگێڕانی کوردستان لەکاتێکدایە کە رۆژهەڵاتی ناڤین بەرەو گۆڕانکاری خێرا رێی گرتووە، باشووری کوردستان لە رەوشێکی باش و گەشەکردوودایە، بەڵام هێشتا نەیتوانیوە کێشەو ناکۆکیەکانی خۆی دەگەڵ حکومەتی عێراقدا یەکلایی بکاتەوە، حکومەتی سوریا بەرەو داڕمان دەڕوات، کەچی زۆر بێبەزەییانە ناڕازی و خۆپێشاندەران سەرکوت دەکات، کۆماری تورکیا دووچاری کێشەو قەیرانی سەنگین بۆتەوەو لە توانای دانیە کێشەی باکوری کوردستان چارەسەربکات. کۆماری ئیسلامی ئێرانیش لەبەردەم هەڕەشەی هێرش و گەمارۆکانی ئەمریکاو هاوپەیمانانیدا ناچارە کە شاننزمی بنوێنێ، ئەو گۆڕانکاریانەش بەئەگەری زۆرەوە لە بەرژەوەندی دۆزی رەوای گەلی کوردستاندا تەواو دەبن، بۆیە وا دەخوازێ کە هێزە سیاسیەکانی کوردستان ریزەکانی خۆیان پتەو بکەن و پەیوەندی نێوانیان بەهێز و قوڵتر بکەنەوە، هیواخواز کە یەکێتیی شۆڕشگێڕانی کوردستان وەک هێزێکی سەربەخۆخوازو رزگاریخوازی رۆژهەڵاتی کوردستان ، بیست و یەکەمین ساڵیادی دامەزراندنی خۆی بکات بە وێستەگەێکی بەهێز و شێلگیرانە بۆ یەکخستن و کۆکردنەوەی تواناو شیانی سەربەخۆخوازان تێبکۆشێ.

سەرکەوێ خەبات لەپێناو کوردستانێکی رزگارو سەربەخۆدا

لەگەڵ رێزماندا

مەکتەبی سیاسی

حزبی رزگاریی کوردستان