شاندێکی حزب سەردانی نوێنەرایەتی پارتی یەکێتی دیموکراتی کورد لە سوریە دەکات

کاتژمێر ١٧ی رۆژی ١٦-٤-٢٠١٢ هەڤاڵ رێکار ئەحمەد، سکرتێری گشتی حزبمان، حزبی رزگاریی کوردستان، بەیاوەری شاندێکی سەرکردایەتی، سەردانی بارەگای نوێنەرایەتی پارتی یەکێتی دیموکراتی کورد لە سوریەیان کردو لەلایەن ئەبو سابر ئەندامی مەکتەبی سیاسی و ژمارەیەک لە هەڤاڵانی پارتی یەکێتی دیموکراتی کورد بە گەرمیەوە پێشوازیان لێکرا، سەرەتا شاندی حزب بەبۆنەی ساڵیادی دامەزراندنی پارتی یەکێتیی دیموکراتی کوردەوە پیرۆزباییان لێکردن و هیوای سەرکەوتن و پێشکەوتنی زیاتریان بۆ خواستن، هەروەها خوازیاربوون کە گۆڕانکاریەکانی هەنووکەیی سوریاو ناوچەکە لە بەرژەوەندی کوردستان تەواو ببێت و هەرچی زووترە گەلی رۆژئاوایی کوردستان بە رزگاری و سەربەخۆیی خۆی بگات. جێی ئاماژەیە کە هەڤاڵ ئەبو سابر بەرپرسی نوێنەرایەتی هەرێمی کوردستانی پارتی یەکێتیی دیموکراتی کورد لە سوریە سوپاس و پێزانینی خۆیانی پێشكەش بە شاندی حزبی رزگاریی کوردستان کردو خۆشحاڵی خۆی سەبارەت بە پێوەندی نێوان هەردوولا دەربڕی و هیوای خواست کە پێوەندی نێوان لایەنە سیاسیەکانی کوردستان زیاتر گەشەیان پێبدرێ و نێوماڵی کوردەواری سەرتاسەری و هەتاسەری بێت.