شاندێکی هاوبەش سەردانی شارەوانی مێردین دەکات

کاتژمێر ١١ی رۆژی ٢٢-٣-٢٠١٥ شاندێکی هاوبەشی چوار لایەنی سیاسی کوردستانی کە پێکهاتبوو لە بەڕێزان کاک ئەمیری قازی سەرۆکی پارتی سەربەخۆیی کوردستان، مام خدر رووسی سکرتێری گشتی بزووتنەوەی دیموکراتی کوردستان، رێکار ئەحمەد سکرتێری گشتی حزبی رزگاریی کوردستان، بێکەس قادرو ئاسۆس عەلی ئەندامانی سەرکردایەتی حزبی زەحمەتکێشانی کوردستان سەردانی شارەوانی شاری مێردینیان کرد و لەلایەن هاوسەرۆکانی شارەوانی بەڕێزان ئەحمەد تورک و فێبرۆنیا ئاکیۆل پێشوازیان لێکرا، ئەوسا لە دیدارێکدا باس لە نەورۆزی کوردستان و رەوشی کوردستان بەتایبەتی رەوشی پڕۆسەی ئاشتی لە باکووری کوردستان لە دوای پەیامەکەی رێزدار عەبدوڵڵا ئۆجەلان کرا.. هەمووان هیواخوازبوون کە پڕۆسەی ئاشتی بە ئاکام بگات و کێشەی باکووری کوردستان بە ئاشتیانە چارەسەرببێ.