ماڵی ئێزدی کوردستانی لە نەمسا راگەیاندرا

لە راگەیاندراوێکدا کە رۆژی ١٨-١٠-٢٠١١ بڵاوکراوەتەوە، ماڵی ئێزدی لە نەمسا ناوەکەی خۆی بۆ ماڵی ئێزدی کوردستانی لە نەمسا گۆڕی، هۆکارەکەشی بۆ ئەوە گەڕاندۆتەوە تا کوردستانیبوونی ئێزدیەکان و کوردبوونیان بخرێتە روو نەوەک هەندێک لایەن لێکدانەوەی جیاوازی بۆ بکەن. بەتایبەتیش کە ئێزیدیەکان کوردی رەسەنن و زمانەکەشیان هەر کوردیەو لەسەر ئایینی دێرینی خۆیاندا ماونەتەوە.

لە راگەیاندراوەکەدا هاتووە کە ئیدی ماڵی ئێزدی کوردستانی لە نەمسا ناوەکەی فەرمیەو لەلایەن حکومەتی نەمساوە رێگەی پێدراوە و مۆڵەتی وەرگرتووە.

بەوبۆنەیەوە بەناوی ماڵپەڕی رزگاری پیرۆزبایی لە ماڵی ئێزدی کوردستانی لەنەمسا دەکەین و دەستخۆشیان لێدەکەین و هیوای سەرکەوتن و سەرفرازیان بۆ دەخوازین.