بهبهرگریكردن لهكۆبانی نیشتمان پارێزراو دهبێت

ئێمەی حزب و لایەنە سیاسییانەی لەخوارەوە ناومان هاتووە لە بارەگای مەكتەبی سیاسی بزوتنەوەی دیموكراتی گەلی كوردستان لەرۆژی 2014/9/21 لەشاری هەولێر, لەسەر رەوشی كوردستان بەتایبەت هێرشی تیرۆریستانی داعش بۆ سەر دەڤەری كۆبانی رۆژئاوای كوردستان كۆبووینەوەو هەڵوێستی خۆمان خستەڕوو:
دوای ئەوەی داعش لەباشووری كوردستان نەخشەو پیلانەكانیان سەری نەگرت و دووچاری شكستی گەورە بوونەوەو هێزی پێشمەرگەی كوردستان توانی زۆربەی ناوچەكانی بندستیان وەربگرێتەوەو ئاڵای سەركەوتن لەم شوێنانە هەڵبكات, ماوەی چەند رۆژێكە گروپی تیرۆریستی داعش دڕندانە بەچەكی قورس كەپێشتر لەناوچە سوننەكان لهلایهن سوپای عێراق و بهشێكیشی لهلایهن رژێمی سوریا رادهستیانكرابوو، هێرشی وەحشیگەرانە دەكەنە سەر دەڤەری كۆبانی رۆژئاوای كوردستان و ئەم ناوچانەیان گەماڕۆداوەو بەردهوام تۆپبارانی دەكەن، لەئەنجامدا بووەتە هۆی بریندار و شەهیدبوونی ژمارەیەكی زۆر لە خەڵكەكەو بەهەزاران ئافرەت و منداڵیش لەسەر زێدیان ئاوارەو دەربەدەربوونە بۆ ناوچە سنوورییەكانی توركیا. پیلانی ئەمجارەی داعش هاوشێوهی هێرشەكانیانه بۆ سەر شنگال و دهشتی نهینهواو تهلهعفهر و كۆمەڵكوژییەكی دیكەیە دەرهەق بەگەلی كوردستان لەلایەن داعش بەهاوكاری ههندێ وڵاتانی نزیك لهم گروپه تیرۆریستییه ئهنجامدهدرێت.
ئێمە جگە لەوەی ئەم تاوان و هێرشانەی داعش ریسواو مەحكوم دەكەین، هاوخەمی و پاڵپشتی خۆمان بۆ خەڵكی كۆبانی و هەموو رۆژئاوای كوردستان دەردەبڕین و ئامادهین بهگیان و ماڵ پاڵپشتی كۆبانی بكهین و داوا لە پەرلەمان و حكومەتی ههرێمی كوردستان دەكەین سەرەڕای بوونی قەیرانی دارایی بەهەموو شێوەیەك بەتەنگ خەڵكی كۆبانی و رۆژئاوای كوردستانەوە بێن و بهچهكی قورس و پێداویستییهكانی دیكه هاوكاری شهڕڤانانی رۆژئاوای كوردستان بكهن و لهههمان كاتدا داوا لە سەرجەم حزبە سیاسییەكان و جەماوەرو وڵاتپارێزو نیشتمانپەروەكان لەهەموو بەشەكانی كوردستان دەكەین دەستی یارمەتییان بۆ درێژ بكەن تا ئەم قۆناغە سەختە دەبڕن و لەژێر چنگو گەماڕۆی داعش رزگاریان دەبێت.
هەروەها داوا لەكۆمەڵگەی نێودەوڵەتی و نەتەوە یەكگرتووەكان و ئەمریكاو وڵاتانی رۆژئاوا دەكەین پابەندی بڕیارەكانی كۆبوونەوەكانی جددەو پاریس بن و دەستی هاوكاری بۆ لێقەماوانی كۆبانی و سەرجەم رۆژئاوای كوردستان ببەن و بەهانایەوە بچن لەكۆمەڵكوژییەكی دیكەی مرۆڤایەتی رزگاریان بكەن و لەهەمان كاتدا بەشێوەیەكی كردەیی بە هێزی زەمینی و ئاسمانی هێرش بكەنە سەر داعش و هاوكاری لۆجیستی و عەسكەری یەكینەكانی پاراستنی گەل YPG بكەن بۆ لەناوبردن و پاككردنەوەی دەڤەرەكە لە چەكدارە تیرۆریستەكانی سەر بەداعش و گشت گروپە چەكدارەكانی دیكە و ههموو ئهو دهوڵهتانهش ریسوا بكهن كههاوسۆزن و هاوكاری داعش دهكهن و پێویسته راگهیاندنیش لهئاست بهرپرسیارییهتی مێژوویدا بێت و زانیاری و ههواڵهكان وهكو خۆی بگهینێ و نهبێته هۆی وره دابهزینی شۆڕشگێران و پێشێلكردنی ئاسایشی نهتهوهییمان.
ناوی حزب و لایەنە سیاسییه بەشداربووەکان:
1- حزبی رزگاریی کوردستان
2- بزووتنەوەی دیموکراتی گەلی کوردستان
3- حزبی دیموکراتی بێت نەهرێن
4- یەکێتی نەتەوەیی دیموکراتی کوردستان YNDK
5- بزووتنەوەی ئاشتیخوازانی کوردستان
6- بزووتنەوەی دیموکراتی تورکمان لە کوردستان
7- پارتی پارێزگارانی کوردستان
8- بزووتنەوەی رزگاری دیموکراتی کوردستان
9- پارتی نەتەوەیی کوردستان
10- حزبی پێشکەوتنخوازانی دیموکراتی کوردستان
11- پارتی دیموکراتی تورکمانی کوردستان
12-پارتی برایەتی تورکمانی عێراق
13- پارتی پارێزگارانی دیموکراتی کوردستان
14- پارتی رزگاری نەتەوەیی تورکمان
15- بزووتنەوەی تورکمانی بێلایەن
16- حزب الشروق الترکمانی
17- پارتی گهلی توركمان
18- پارتی چارهسهری دیموكراتی كوردستان
19-پارتی پارێزگارانی دیموکراتی کوردستان