راگەیاندراوێک لە مەکتەبی سیاسی حزبی رزگاریی کوردستانەوە

کۆمەڵانی هەراوی خەڵکی کوردستان!

ماوەی چەند رۆژێکە فڕۆکە جەنگیەکانی کۆماری تورکیا زۆر بێ بەزەییانە کەوتونەتە بۆردومانکردنی گوندو ئاواییەکانی دەڤەری قەندیل، لۆلان، رۆبیە، زاب و ئاڤاشین و بۆردومانیان دەکەن، بەوهۆیەشەوە زیانی گیانی و ماددیان لە دانیشتووانی ئەو ناوچانە داوە، ئێمە لەکاتێکدا زۆر بەتووندی ئەو دەستدرێژیانە ریسواو مەحکوم دەکەین لەهەمان کاتدا بێهەڵوێستی لایەنەپەیونددارەکان رەخنە دەکەین و دەخوازین هەرچی زووترە کە حکومەتی هەرێمی کوردستان و حکومەتی عێراق هەڵوێست بنوێنن و حکومەتی تورکیا ئیدانە بکەن، هەروەها هیواخوازین کە رێکخراوە سڤیلیەکانی کوردستانی لە دادگەی نێودەوڵەتیدا دژ بە تورکیا سکاڵا تۆمار بکەن.

هەر لەپێوەند بە بۆردومانکردنی گوندو ئاواییەکانی باشووری کوردستان دا، بێدەنگی و بێهەڵوێستی کۆمەڵگەی نێودەوڵەتی رەخنە دەکەین، چونکە فڕۆکەکانی تورکیا بەبەرچاوی هەموو جیهانەوە گوندو ئاواییەکانی باشووری کوردستان بۆردومان دەکات، خەڵکی سڤیل و لاشەر شەهیدو بریندار دەکات، زیان لە سەرچاوەکانی بژێویان دەدات و بەڵام ئەوان چاو دادەخەن و هەڵوێست پێشان نادەن، بۆیە ئێمە پێمانوایە کە هەڵوێستی کۆمەڵگەی نێودەوڵەتی بێنرخ و بەرژەوەندخوازانەیەو دەبێ رەخنەی لێبگیرێت.

گەلی کوردستان سەربەرز دەمێنێتەوە، دوژمنانی رووڕەش و ریسوا دەبن

مەکتەبی سیاسی

حزبی رزگاریی کوردستان

١٩-٨-٢٠١١