پەیامی پیرۆزبایی بۆ حزبی زەحمەتکێشانی کوردستان

بەڕێز مەکتەبی سیاسی حزبی زەحمەتکێشانی کوردستان

سڵاوی رزگاری و سەرخۆبوون.

لەپێوەند بەبیست و هەشتەمین ساڵیادی دامەزراندنی حزبی زەحمەتکێشانی کوردستان، بەناوی خۆمان و لە جیاتی هەڤاڵانمان لە سەرکردایەتی حزبی رزگاریی کوردستاندا پر بەدڵ پیرۆزباییتان لێدەکەین و هیوای سەرکەوتن و پێشکەوتنتان بۆ بەئاوات دەخوازین، هەر لەم پێوەندەدا و لە رێی ئێوەی بەڕێزیشەوە پیرۆزبایی لە سەرجەم ئەندامانی حزبە تێکۆشەرەکەتان دەکەین، دەخوازین ئەم یادە هاندەرێکی بەهێز بێت بۆ بەرەو پێشەوەبردنی کاروانی خەباتی حزبی زەحمەتکێشانی کوردستان.

بەڕێزان! لە ١٢ی دیسێمبەر و لە بیست و هەشتەمین ساڵڕۆژی دامەزراندنی حزبی تێکۆشەرەکەتاندا، ئێمە لە حزبی رزگاریی کوردستاندا، پێوەندی مێژوویی نێوان هەردوو حزب بە گرنگ هەڵدەسەنگێنین، لەهەمان کاتدا جەخت لەسەر درێژەپێدان و بەهێزکردنی پەیوەندی نێوان هەردوو حزبی زەحمەتکێشان و رزگاریی کوردستان دەکەینەوە و سەرجەم حزبە چەپ و سەربەخۆخوازەکان دەکەینەوە.

لە کۆتاییدا سڵاوو پیرۆزبایی خۆمان دووپات دەکەینەوە، بەهیواین سەرفراز و سەرکەوتووبن.

مەکتەبی سیاسی

حزبی رزگاریی کوردستان

١٢-١٢-٢٠١٣