روونکردنهوهیهک له مهکتهبی سیاسی حزبی رزگاریی کوردستانهوه

هێزو لایهنه سیاسیهکانی کوردستان!

کادرو ئهندام و دۆستانی حزبی رزگاریی کوردستان!

رۆژی 10-11-2011 راگهیهندراوێک بهناوی دهستهی سهرۆکایهتی حزبی رزگاریی کوردستان بڵاوکراوهتهوه، وێرای ئهوهی که حزبی رزگاری، دهستهی سهرۆکایهتی نیه، بهڵکو کۆمیتهی ناوهندی و مهکتهبی سیاسی و سکرتێری ههیه و له سێههمین کۆنگرهدا ههڵبژێردراون، ههروهها ئهو راگهیاندراوه بهمهبهستی چهواشهکردن نووسراوهو تهنیا بۆ لایهنه سیاسیهکان رهوانهکراوه، بهڵام به پێویستی دهزانین بۆ ههموولایهک روونی بکهینهوه:

1- حزبی رزگاریی کوردستان هیچ کۆبوونهوهی نائاسایی کۆمیتهی ناوهندی، مهکتهبی سیاسی، کۆبوونهوهی فراوانی کادرانی له مانگی یازده له نووسینگهی حزب له گهڕهکی تهیراوهی شاری ههولێر نهکردوه، چونکه ئهو نووسینگهیه تهنیا ژوورێکی بچووکهو جێگهی چوار کهسی تێدا دهبێتهوهو بۆ کۆبوونهوه دهست نادات.

2- ئهو کهسهی له راگهیاندراوهکهدا خۆی به سکرتێری حزب ناوبردوه تهنیا خۆیهتی، هیچ ئهندامێکی سهرکردایهتی و کادرو ئهندامێکی رێکخستنی حزبی رزگاریی کوردستانی لهگهڵدا نیه، ئهگهر راست دهکات با ناوی تهنیا یهک ئهندامی کۆمیتهی ناوهندی، یان یهک ئهندامی مهکتهبی سیاسی، یان ناوی یهک کادرو ئهندامێکی رێکخستن بهێنێ که لهو کۆبوونهوهیهدا لهگهڵیدا بهشدار بووه!

3- ئهو کهسهی له راگهیاندراوهکهدا خۆی وهک سکرتێری حزب ناوبردوه، له سێههمین کۆنگرهی حزب له رۆژی 1-1-2010 به دهنگی 97 ئهندامی کۆنگره دهرکرابوو،راسته بههۆی رێککهوتنهوه لهگهڵ کاک زهید مهحمود ئهو کهسه وهرگیرابۆوه، بهڵام لههیچ کۆبوونهوهیهکدا بهشداری پێنهکراوه. ئهو کهسه راستیهکان دهشێوێنێ، بۆیه خۆی له پێکهێنانی سێههمین کۆنگره بواردوه که دووساڵ لهمهوبهر بهستراوه، نووسیویهتی که له داهاتوودا کۆنگرهی سێیهمی حزب دهبهسترێت!!!

4- ئهو کهسهی خۆی به سکرتێر ناو بردوه، لهمانگهکانی رابردوودا داوای له چهندین لایهنی سیاسی کوردستان کردبوو که وهری بگرن، بهڵام رهتیان کردبۆوه، ئهو لایهنه سیاسیانه ماون و شاهیدی ئهو راستیهن، ههروهها کاتێک کاک زهید مهحمود لهگهڵ چهند ئهندامێکی دیکهدا سهنگهری خهباتی بۆ ناو لایهنێکی سیاسی کوردستانی گوازتهوه، ئهو رێککهوتنه ههڵوهشایهوه که لهگهڵ ئێمهدا کرابوو، بۆیه بهو کهسه گوترا که ئیدی له ریزهکانی حزبی رزگاریی کوردستاندا جێی نابێتهوه، ئهویش له داخاندا ئهو راگهیهندراوهی بڵاو کردۆتهوه.

5- ئهو کهسهی له راگهیهندراوهکهدا خۆی به سکرتێر ناساندوه، خوێندهواری نیه و ناتوانێ یهک رستهی کوردی بنووسێت، بۆیه دڵنیاین که نووسهرێکی بۆ ئهو راگهیهندراوه به پاره گرتووه، داهاتووش ئهو راستیه دهسهڵمێنێت.

6- له کۆتاییدا دووپاتی دهکهینهوه که وێرای کۆسپ و گرفتهکان، حزبی رزگایی کوردستان درێژه به کاروانی خهباتی خۆی دهدات، له ئهزموون و تاقیکردنهوهکانی مێژووشدا سهربهرزو شکۆدار دهبێ.

مهکتهبی سیاسی

حزبی رزگاریی کوردستان

29-11-2011