رووداوەکانی
بادینان ریسوا دەکەین
کۆمەڵانی
هەراوی خەڵکی کوردستان!
سەرچاوەکانی
هەواڵ ئاشکرایان کرد کە دوێنێ،
هەینی، ٢-١٢-٢٠١١
ژمارەیەک خۆوڵاتی شاری زاخۆ
بەبیانۆی نەگونجان لەگەڵ
دابونەرێتی کۆمەڵ، هێرشیان
کردۆتە سەر سێنتەرەکانی مەساج و
ئاگریان تێبەرداون و دواتریش بەرەو
دوکانەکانی مەیفرۆشتن رۆیشتوون و
ئەوانیشیان سووتاندون، هەر ئەو رووداوانەش
بریندار بوونی ژمارەیەک خۆوڵاتی
لێکەوتۆتەوە، ئێمە
لەکاتێکدا بەنیگەرانیەوە لەو
رووداوانە دەڕوانین و ریسوای
دەکەین، لەهەمان کاتدا پێمانوایە
کە ئاڵۆزکردنی رەوشەکەو هێرش و
پەلاماردان بۆ سەر شوێنەکان نەک هەر
چارەسەر بەدوای خۆیەوە
ناهێنێت، بەڵکو سنووری ئازادیەکان
بەرتەسک دەکاتەوەو دیموکراسی
دەشێوێنێ، لەو پێوەندەدا
خوازیارین کە لایەنی
پەیوەنددار بەری پێبگرێت.
حزبمان،
حزبی رزگاریی کوردستان باوەڕی
تەواوی بە ئازادی رادەربڕین و
پێڕۆکردنی دیموکراسی هەیە،
ناڕەزایی دەڕبڕین و
رێپێوان و خۆپێشاندان بە مافێکی
رەوا دەناسێ، بەڵام هێرش و پەلاماردان
و زیانگەیاندن بە
بەرژەوەندەکانی تاک و لایەن و
هێزەکان ریسوا دەکات و بە ئاژاوەو
گێرەشێوێنی لێکدەداتەوە،
بۆیە لەو پێوەندەدا
هیواخوازین کە ئەوانەی
سەرکێشی ئەو ئاڵۆزیەیان
کردووە دەستگیر بکرێن و دادگەیی
بکرێن، لەهەمان کاتدا زیانلێکەوتووان
قەرەبوو بکرێنەوە.
نەخێر
بۆ هێرش و پەلاماردان و تووندوتیژی
مەکتەبی
سیاسی
حزبی
رزگاریی کوردستان
٣-١٢-٢٠١١
www.rpk93.org rpk93@hotmail.com Tel:07501191497 هەولێر/ گەڕەکی
زانکۆی ١، تەنیشت بارەگای
لقی هەولێری یەکێتیی
ئەندازیارانی کوردستان