سڵاو لە بەرخۆدانی
کۆبانی
کۆمەڵانی هەراوی
خەڵکی کوردستان
وڵاتپارێزان! نیشتمانپەروەران
ماوەی ساڵێک زیاتر بوو کە
داعش بە هەموو توانایەوە هێرش و
پەلامارەکانی خۆی بۆ سەر
کۆبانی چڕ کردبۆوە، کەچی بەهۆی
بەرخۆدانی پارێزەرانی کوردستان داعش
تێدەشکا، مایەپووچ دەمایەوەو
بە سەرشۆڕی دەکشایەوە، بەڵام
ئەوە چەند رۆژێکە بە
هێزێکی زۆرترو بە چەکی
مۆدرێنترەوە پەلاماری کۆبانێ
دەدات. هێرشکردنە سەر کۆبانی لە
چوارچێوەی ئەو
بەرنامەیەیە کە بۆ داعش
داندرابوو، لە شاری موسڵ چەکی نوێی
رادەستبکرێ و دواییش بەو
چەکانەوە هێرش بۆ سەر رۆژئاوای
کوردستان دەست پێبکات، ئێستا بەکردەوە
ئەو پیلانە خراوەتە واری
کرداریەوە، خۆشبەختانە
تێکۆشەرانی یەپەگە زۆر
ئازایانە بەرسنگیان لە داعش گرتووە و
بەرخۆدانێکی مەزن درێژە پێدەدەن،
لەو پێوەندەدا ئەرکی سەرشانی
هێزە سیاسیەکان و تێکڕای
خەڵکی کوردستانە کە دژ بە هێرشی
داعش رابوەستن و کۆبانی بپارێزن و داعش تێکبشکێنن.
خەڵکی
ئازادیخوازی کوردستان! حزبی رزگاریی کوردستان
یەکەمین لایەنی سیاسی
کوردستان بوو، لەگەڵ هێنانی داعش بۆ
موسڵ نیگەرانی خۆی دیارکردو
رایگەیاند کە بە سیناریۆی
هەرێمایەتی داعش هێنراوەتە
موسڵ و ئەو چەکانەی رادەستکراوە تا
لەو رێیەو بەو چەکانەوە
پەلاماری رۆژئاوای کوردستان بدات و بە
ئامانجی خۆی بگات.
ئەمڕۆ
کۆبانی لە شەڕێکی
دەستەویەخەدایە،
شەڕڤانانی یەپەگە
مەردانە پارێزگاری لە شارەکە
دەکەن، گیانبازانە بەرسنگیان لە داعش
گرتووەو بواری پێشڕەویان
لێبەستوون، لەو پێوەندەدا داوا لە
کۆمەڵی نێودەوڵەتی دەکەین
کە بەهانای لێقەوماوانەوە بچن و
هاوکاریان بکەن، هەروەها خوازیارین کە
کۆمەڵی نێودەوڵەت لە بەرنامەی
لێدانی داعش راستگۆ بێ، بەپەلە
هێرشی ئاسمانی بۆ سەر مۆڵگەکانی
داعش لە نێو خاکی رۆژئاوای کوردستان
دەستپێبکات و بەکردەوەش چەکی
مۆدرێن پێشکەش بە
شەڕڤانانی یەپەگە بکات،
چونکە سەرەنجام داعش تەنیا لە
سەردەستی ئەوانەوە
تێکدەشکێ و بەرەو زبڵدانی مێژوو
شۆڕ دەکرێتەوە.
سڵاو
لە بەرخۆدانی کۆبانی..
سڵاو
لە شەڕڤانانی یەپەگە...
سڵاو
لە تێکۆشەرانی رێی رزگاری و
سەربەخۆیی کوردستان
مەکتەبی
سیاسی
حزبی
رزگاریی کوردستان
2014-9-19