بەیاننامەی پشتگیری
رۆژی یەكشەممە رێكەوتی
8ی تەمووزی 2012 «كۆمیتەی نێودەوڵەتی
گەڕان بەدوای داد» لە بەیاننامەیەكدا
كە لە لایەن جێگری سەرۆكی
پەرلەمانی ئەوروپا دوكتور (ئالیخۆ ڤیدال
كوادراس)ـەوە دەرچووە جەخت لە سەر دابین
كردنی ئەو پێداویستیە مرۆڤایەتیانە
كراوە كە لە بەیاننامەكەدا و لە (10)خاڵدا
ئاماژەی پێكراوە بۆ گواستنەوەی ئەوانەی
تاكو ئێستا لە ئەشرەف ماونەتەوە بۆ
لیبێرتی و جەختی
زیاتریش كراوە لەسەر چارەسەری كێشەی
ئاو بۆ (2000) دانیشتووی لیبێرتی كە لە
لایەن كۆمیساریای باڵای پەنابەرانی
سەر بە رێكخراوی نەتەوە یەكگرتووەكانەوە
وەك كەسانی (پەناخواز) بەڕەسمی
ناسراون و ئێستا بەهۆی بێ ئاوی بەرەوڕووی
ئازار بوونەتەوە.
ئێمە لە ئەنجوومەنی
”دۆستایەتی هەرێمی كوردستان و گەلی
ئێران” وێڕای پشتیوانیكردن لە بەیاننامەكە،
رێگریكردن لە دابینكردنی ئاو بۆ پەنابەرانی
لیبێرتی بە پێشێلكارییەكی
هەرە گەورەی مافی مرۆڤ دەزانین
و هەروەها جێبەجێنەكردنی ئەو یادداشتنامەیە
شەرمەزار دەكەین كە لە نێوان مارتین كۆبلەر نۆێنەری
سكرتێری گشتی نەتەوە یەكگرتووەكان
و حكومەتی نوری مالیكی ئیمزا كرابوو بەمەبەستی
چارەسەری كێشەی ئەم پەنابەرانە.
ئێمە پشتگیریكردنی خۆمان
لەو كەمپینە جیهانیە دووپات دەكەینەوە كە
بۆ داكۆكیكردن لە مافی دانیشتووانی لیبێرتی
ساز دراوە و خوازیاری ئەوەین كە نەتەوە
یەكگرتووەكان و وڵاتە یەكگرتووەكانی
ئەمریكا و ئەنجوومەنەكانی داكۆكیكاری
مافی مرۆڤ گوشار بخەنە سەر حكومەتی
نوری مالیكی بۆ ئەوەی دەقی
یادداشتنامەكەی نێوان یو.ئێن و حكومەتی
عێراق بەتایبەتی كێشەی (ئاو) جێبەجێ
بكات.
ئەنجوومەنی ”دۆستایەتی هەرێمی
كوردستان و گەلی ئێران”
25ی تەمموزی 2012