سەرۆکی حکومەت وەڵامی نامەی پیرۆزبایی سکرتێری گشتی حزب دەداتەوە

دوای دەستبەکاربوونی رێزدار کاک نێچیرڤان بارزانی وەک سەرۆکی حکومەتی هەرێم و پێکهێنانی کابینەی حەوتەم، هەڤاڵ رێکار ئەحمەد، سکرتێری گشتی حزبمان، حزبی رزگاریی کوردستان نامەی پیرۆزبایی بۆ بەڕێزیان رەوانە کرد و هیوای سەرکەوتن و پێشکەوتنی بۆ بەڕێزیان و بۆ سەرجەم وەزیرە بەڕێزەکان خواست. لە وەڵامی ئەو نامەیەدا رێزدار کاک نێچیرڤان بارزانی لە رۆژی ١٧-٤-٢٠١٢ سوپاسنامەیەکی رەوانە کردوە کە تێیدا هاتووە:

بەڕێز کاک رێکار ئەحمەد، سکرتێری گشتی حزبی رزگاریی کوردستان

سڵاوو رێز..

پیرۆزبایی نامەی بەڕێزتان کە بەبۆنەی دەستبەکاربوونمان وەک سەرۆکی وەزیرانی حکومەتی هەرێمی کوردستان، کابینەی حەوتەم ناردبووتان بەدەستم گەیشت، سوپاسی هەستی دڵسۆزانەتان دەکەین، دڵنیایین لە پشتیوانیتان ، ئومێدوارین تەندروست و سەرفراز بن

دووبارە سوپاستان دەکەین

نێچێرڤان بارزانی

سەرۆکی حکومەتی هەرێمی کوردستان

١٧-٤-٢٠١٢