سوریا فڕۆکەێکی سوپای تورکیا بەر دەداتەوە

سەرچاوەکانی هەواڵ رایانگەیاند کە هێزە دژە ئاسمانیەکانی سوپای سوریا فڕۆکەێکی جەنگی سوپای تورکیایان بەرداوەتەوە. لەوبارەیەوە ئەمڕۆ شەممە سەرچاوەێکی حکومەتی سوریا ئاشکرای کرد کە رۆژی پێشوو فڕۆکەێکی جەنگی تورکیا ئاسمانی سوریای بەزاندووە، لە نزیک شاری لازقیە هێزەکانی دژە ئاسمانی سوپای سوریا بۆ بەرگریکردن لە سەروەری نیشتمانەکەیان تەقەیان لێکردوەو بەریان داوەتەوە.

دەوڵەتی سوریا رایگەیاند کە تەقەکردن لە فڕۆکەێکی نەناسراو کاتێک ئاسمانی وڵاکەتەکەی دەبەزێنێ، مافێکی رەوایە، ئەوەش لە چوارچێوەی یاسای خۆپارێزی وڵاتاندایە، بەڵام کەشتیە سەربازیەکانی سوریا بەهاوکاری تورکیا لەهەوڵی دۆزینەوەی تەرمی ئەو دوو فڕۆکەوانەن کە کەوتوونەتە ناو دەریاوە.

لەلایەن خۆشیەوە رەجەب تەیب ئەردۆگان سەرۆکوەزیرانی تورکیا پێشتر ئاشکرای کردبوو کە فڕۆکەێکی ئیف ١٤ی سوپای وڵاتەکەی لە نزیک کەناراوی سوریادا بزر بووەو پەیوەندی پچڕاوە.

چاودێران بەردانەوەی فڕۆکەێکی سەربازی تورکیا بە ئابڕووچوون بۆ تورکیاو حکومەتەکەی دادەنێن، پێشبینی ئەوەش دەکرێ کە قەیرانێکی دیکە ناوچەکە بگرێتەوە، بەتایبەتی کە ئێستا تورکیا بە ئاشكرا هاوکاری هێزە ئۆپۆزیسیۆنەکانی سوریا دەکات، واشچاوەڕوان دەکرێ کە سوریا هەمان هەڵوێست وەربگرێ و هاوکاری پارتی کرێکارانی کوردستان دەست پێبکاتەوە.