جێژنی
نەورۆزو ساڵی نوێتان پیرۆز بێ
سەربەخۆخواز و ئازادیخوازان!
بەبۆنەی هاتنی جێژنی نەورۆزی
نەتەوەیی و ساڵی نوێی کوردیەوە
بەناوی مەکتەبی راگەیاندنی حزبی
رزگاریی کوردستانەوە گەرمترین و جوانترین
پیرۆزبایی لە سەرجەم تاکەکانی کۆمەڵی
کوردەواری دەکەین و هیواخوازین کە
ساڵی نوێ ساڵی گۆڕانکاریەکان
و گەیشتن بە ئاواتی لەمێژینەمان بێ.
نەورۆز جێژنێکی کەوناری
نەتەوەی کوردو بەشێک لە نەتەوەکانی
رۆژهەڵاتی ناڤینە، دەکرێ وەک
جێژنێکی پیرۆز بۆ قوڵکردنەوەی
برایەتی ودۆستایەتی نێوان نەتەوەکان
سوودی لێوەر بگیرێ.
نەتەوەی کورد بە درێژایی مێژوو لەسەر
خاکی خۆیدا ژیاوە و پەلاماری نەتەوەکانی دیکەی
نەداوە، بەڵام هەمیشە وەبەر
هێرش و پەلاماری دیتران کەوتووەو خاکەکەی
لێداگیرو دابەش کراوە، کەچی وێڕای
ئەوەشەوە دەستی دۆستایەتی
بۆ گەلانی دیکە درێژ کردووە و
بەردەوامیش داوای ئاشتی و
وەکهەڤی کردووە، مخابن بە ئاگر و ئاسن وەڵامی
دراوەتەوە و شەڕی قڕکردنی
لە دژدا درێژە پێدراوە.
نەورۆز جێژنی ژیانەوەو تێهەڵچوونەوەیە،
دەبا ئەمساڵیش بە بەرخۆدان و خاوەندارێتی
کردن لە کوردو کوردستان بۆ ژیانی نوێ تێ بکۆشین
و پاسەوانی لە گەل و نیشتمان بکەینە
دروشم و ئامانجی پیرۆزمان.
نەورۆزتان پیرۆز بێ.
ساڵی نوێ پڕ لە خێرو خۆشی
بێ.
مەکتەبی راگەیاندنی
حزبی رزگاریی کوردستان
٢٠-٣-٢٠١٩