شاندی حزبی رزگاری بەشداری لە کۆنفراسێک سەبارەت بە رەوشی هەرێم دەکات

کاتژمێر ٩ی رۆژی ١٨-٥-٢٠١٣ شاندێکی حزبمان، حزبی رزگاریی کوردستان کە پێکهاتبوو هەڤاڵان رێکار ئەحمەد، سکرتێری گشتی و تەیب دەشتانی وتەبێژی مەکتەبی راگەیاندن بەشداریان لە هۆڵی چراخانی شاری  هەولێر بەشداریان لە کۆنفرانسێک سەبارەت بە رەوشی هەرێمی کوردستان کە بەبۆنەی ساڵیادی یەکەمین هەڵبژاردنی پەرلەمانی کوردستان سازکرابوو.

رۆژی ١٨-٥-٢٠١٣ پارتی چارەسەری کوردستان لەژێر دروشمی بەرەو بونیاتنانی سیستەمێکی دیموکرات و کاراکردنی دەزگاکانی هەرێم و ئۆپۆزیسیۆن لە کوردستان سازکرد، لەو کۆنفرانسەدا نوێنەرای حزب و لایەنە سیاسیەکان بەشداریان کردبوو. هەر لەسەر بانگهێشتی ئەنجوومەنی کارگێڕی پارتی چارەسەری دیموکراتی کوردستان شاندێکی حزبمان، حزبی رزگاریی کوردستان بەشداری لەو کۆنفرانسەدا کرد.

جێی ئاماژەیە کە پارتی چارەسەری دیموکراتی کوردستان لەوپێوەندەدا پڕۆژەیەکی خستە بەردەم کۆنفرانسەکە، پاشان ژمارەیەکی زۆر لە ئامادەبووان گفتوگۆیان لەسەر پڕۆژەکە کرد و هیوایان خواست کە دامەزراوەکانی هەرێم دیموکراتیزە بکرێن و بە کردەوە هەنگاو بەرەو بونیاتنانی سیستەمی دیموکراستی هەڵبگیرێتەوە.