بهیاننامهی هاوبهشی حزب و لایهنه كوردستانییهكان لهبارهی گێره شێوێنیهكهی ئهمڕۆی ههولێری پایتهخت

پێشنیوهڕۆی ئهمڕۆ 8/ 5/ 2012 له دژی ئهو بابهتهی كه له گۆڤاری (چرپه) بڵاوكراوهتهوه خۆپیشاندانێك لهلایهن ژمارهیهك له هاووڵاتیان بۆ بهردهم پهرلهمانی كوردستان رێكخرا، بهڵام بهداخهوه لهلایهن كۆمهڵێك خهڵكی گێرهشێوێن ئاڕاستهی خۆپیشاندانهكه گۆڕا پشێویی و نائارامی تێكهوت و لهئهنجامدا ژمارهیهك پۆلیس و خۆپیشاندهر بریندار بوون .

ئێمه لهوه تێدهگهین و بهئهندازهی ئهوانیش دڵگرانین له بڵاوكردنهوهی بابهتێكی وهها كه ههست و سۆزی ئهوان و ئێمهش بریندار دهكات، بۆ ئهو مهبهستهو ههر مهبهستێكی تریش به مافی رهوای خهڵكی كوردستانی دهزانین كه ئهگهر دهسهڵات به دهنگیانهوه نههات خۆپیشاندانی هێمانه ئهنجامبدهن و لهو سنوره بێت كه مافی خهڵكانی تر پێشێل نهكات و ئهو ئازادیهی ههیه خراپ به كار نههێنرێت و ئهوانهشی سهرپهرشتی خۆپیشاندانهكان دهكهن نههێڵن له ئامانجهكهی خۆی لابدات كه سهرهنجام توندوتیژی لێبكهوێتهوه .

ئێمه وهك پێشترو ئێستاش ئیدانهی خراپ بهكارهێنانی ئازادی رۆژنامهنووسی دهكهین كه داب و نهریت و بهها پیرۆزهكانی كۆمهڵگا ببهزێنی و ههستی هاووڵاتیان له ههر رهگهزو تایفهو ئاینی بریندار بكات، له پاڵ ئهمهشدا داوا له جهماوهری كوردستان دهكهین كه هۆشیارانه مامهڵه لهگهڵ پرسێكی وهها بكهن، چونكه ئهو بابهته پێشتر لهلایهن پهرلهمانی كوردستان و سهرۆكی حكومهتی ههرێمی كوردستان رێزدار نێچیرڤان بارزانی و حزبه سیاسیهكان و رێكخراوهكانی كۆمهڵی مهدهنی ئیدانهو محكوم كراو سهرۆكی حكومهت لهگهڵ زانایانی ئاینی ئهو پرسهی باس كردو و له كۆنگرهیهكی رۆژنامهنووسی به روونی ئیدانهی بڵاو كردنهوهی بابهتی لهم جۆرهی كردو ههروهها لیژنهی ئهوقاف و لیژنه پهیوهندارهكانی پهرلهمانیش لهگهڵ سهندیكای رۆژنامهنووسان و یهكێتی زانایان و ستافی گۆڤارهكهش ئیدانهیان كردووه كه كارهكه رێچكهی یاسایی خۆی وهرگرتبوو، سهرباری داخستنی گۆڤارهكه سهرنووسهرهكهشی به بڕیاری دادگا دهستگیر كرا.

بهداخهوه ئهم تێكدانی باری ئهمنیه له پایتهختی ههرێمی كوردستان له كاتێكدایه كه سهركردایهتی سیاسی كوردستان خهریكن لێرهوه كێشه قوڵهكانی خهڵكی عێراق چارهسهر دهكهن و له پاڵیشدا داخوازییه ڕهواكانی خهڵكی كوردستانیش جهختی له سهر دهكرێتهوه . چاوهڕی دهكهین هاووڵاتیانی كوردستان هۆشیارانهتر مامهڵه له گهڵ ڕووداوهكان بكهن .

ئهم رووداوه نهخوازراوه سهرهڕای ئهوهی بووه مایهی بێزار كردنی خهڵك و زیان گهیاندن به تهلاری پهرلهمان و دام و دهزگاو و شوێنه گشتیهكان و زهرهر گهیاندن به ماڵ و موڵكی هاووڵاتیان. وه دهبێته هۆكاری شێواندنی سیمایی شارستانی و دیموكراسی له ههرێمی كوردستان .

ئێمه له كاتێكدا به توندی ئیدانهی ئهو كاره پڕ له ئاژاوه گێری و نایاساییه دهكهین له ههمان كاتدا داواكارین كه رێكاری یاسایی توند و لێ پێچینهوهی توند بهرامبهر ههموو ئهوانه بگیرێته بهر كه ئهمڕۆ بوونه هۆی پشێویی و نائارامی له پایتهختی ههرێمی كوردستان .

• یهكێتی نهتهوهیی دیموكراتی كوردستان

• حزبی رزگاریی كوردستان

• پارتی دیموكراتی توركمانی كوردستان

• كۆمهڵهی رۆشنبیری توركمانی كوردستان

• پارتی كرێكاران و رهنجدهرانی كوردستان

• بزووتنهوهی دیموكراتی توركمانی له كوردستان

• پارتی رزگاری نهتهوهیی توركمان

• بزووتنهوهی ئیسلامی كوردستان

• كۆمهڵهی لیبڕاڵی توركمان

• بزووتنهوهی دیموكراتی گهلی كوردستان

• بزووتنهوهی توركمانی بی لایهن

• حزبی شیوعی كوردستان

• حزبی سۆسیالست دیموكراتی كوردستان

• كۆمهڵهی رۆشنبیری كلدان

• بزووتنهوهی دیموكراتی ئاشوری

• بزووتنهوهی چاكسازی توركمان

• ئهنجوومهنی نهتهوهیی كلدان

• حزبی نیشتیمانی ئاشوری

• حزبی دیموكراتی بیت نهرێن

• ئهنجوومهنی گهلی كلدانی سریانی ئاشوری

• رێكخراوی كلدانی ئاشوری

• پارتی پارێزگارانی كوردستان

• پارتی نهتهوهیی كوردستان

• بزووتنهوهی رزگاری گهلی كوردستان

• حزبی پێشكهوتنخوازی دیموكراتی كوردستان

• یهكێتی نیشتیمانی كوردستان

• پارتی دیموكراتی كوردستان

8 /5/2012 ههولێر