شاندێکی پارتی چارەسەری دیموکراتی کوردستان سەردانی حزبی رزگاری دەکات

کاتژمێر ١١ی رۆژی 3-٢-٢٠١٣ شاندێکی پارتی چارەسەری دیموکراتی کوردستان کە پێکهاتبوو لە بەڕێزان مام هەژار، ئەندامی دەستەی کارگێری و هەڤاڵان ( پیران و مەروان)، ئەندامانی مەکتەبی پەیوەندیە گشتیەکان سەردانی بارەگای مەکتەبی سیاسی حزبمان، حزبی رزگاریی کوردستانی کرد لە شاری هەولێر، لەلایەن هەڤاڵ رێکار ئەحمەد، سکرتێری گشتی و ژمارەیەک لە ئەندامانی سەرکردایەتی بەگەرمیەوە پێشوازی لێکرا، دواتر لە دیدارێکی برایانەدا باس لە رەوشی هەنووکەیی کوردستان کراو جەخت لە پێوەندی نێوان لایەنە سیاسیەکان کرایەوە. دواتر شاندی میوان جەختیان لەسەر ئەو پڕۆژەیە کردەوە کە ماوەیەک پێشتر بەمەبەستی هەنگاو هەڵێنانەوە بۆ بەستنی کۆنفرانسێکی نیشتمانی خستبوویانە ڕوو. جێی ئاماژەیە حزبی رزگاریی کوردستان پشتیوانی خۆی بۆ پڕۆژەکە دەربڕی و جەختی کردەوە هەر چالاکی و هەنگاوێک بەمەبەستی چارەسەرکردنی دۆزی نیشتمانی و بەرەو پێشبردنی کێشەی رەوای گەلەکەمان هەڵبگیرێتەوە راشکاوانە پشتیوانی لێدەکات و تێیدا بەشدار دەبێ.